Azərbaycanın daha bir boksçusu "Minsk 2019" II Avropa Oyunlarında 1/4 final görüşünü keçirib.

Sportfm.az xəbər verir ki, 81 kq çəki dərəcəsində çıxış edən Alfonso Dominges növbəti döyüşünə çıxıb.

O, yarımfinala vəsiqə uğrunda belçikalı Ziad El Mohorla qarşılaşıb. “Ureçye Arena”da keçirdiyi əvvəlki iki görüşdə qalib gələn Dominges bu dəfə də rinqdən qələbə ilə ayrılıb. O, rəqibini 5:0 hesabı ilə yenib.

Azərbaycan təmsilçisi yarımfinalda Simone Fiori (İtaliya) ilə qarşılaşacaq. Bu qarşılaşma iyunun 28-də baş tutacaq.

Qeyd edək ki, A.Dominqes yarımfinala yüksələn ikinci boksçumuzdur. Ona qədər Lorenzo Sotomayor (69 kq) Avropa Oyunlarının mükafatını təmin edib.

Oxşar xəbərlər

2 boksçumuz medalı təmin etdi - Dünya çempionatı

Boksçumuz ölkəmiz üçün ikinci medalı təmin etdi - Tokio-2020

Alfonso Azərbaycan üçün qızıl medal qazandı

"Minsk 2019": Boksçumuz final görüşünə çıxacaq

Boksçumuz Minskdə finala çıxdı