Avropa Oyunlarına gedəcəyim sual altında idi. Buna baxmayaraq, bir neçə günlük məşqlərdən sonra komandanın həkimlərinin razılığını aldım. Qrupdakı rəqiblərim gənc və güclü idilər. Lakin qrupdan birinci olaraq növbəti mərhələyə yüksəldim.

Sportfm.az xəbər verir ki, bu fikirləri Belarusun paytaxtı Minskdə keçirilən ikinci Avropa Oyunlarında sonra Vətənə dönən karateçimiz Rafael Ağayev müsahibədə səsləndirib.

Azərbaycana gümüş medal qazandıran təcrübəli idmançı deyib: “Gümüş medal qazanmağımı zədələrimlə bəhanə etmək istəmirəm. Sadəcə olaraq demək istəyirəm ki, finalda hakimlər nədənsə iki xalımı görmədilər. Amma bu, mənim üçün bir təcrübə oldu. Bundan sonra daha da səylə çalışacağam. Karate Olimpiya idman növü olandan sonra burada qalib gəlmək daha da çətinləşib. Rafael qocalmayıb, mən özümü hələ cavan hiss edirəm və düşünürəm ki, Azərbaycana daha çox medal qazandırmaq şansım var”.

Gələcək planları haqqında da danışan Rafael Ağayev deyib: “Növbəti hədəfim “Tokio 2020”də qalib gəlməkdir. Hazırda bir neçə zədəm var, onları sağaldıb gələcəkdə daha böyük uğurlar qazanacağıma əminəm”. (azertag.az)

Oxşar xəbərlər

"Vətənə medalsız da qayıda bilərdik" - Rafael Ağayev

Rafael Ağayev rinqdən gedir - Tarix bəllidi

"Qələbəmi anama həsr edəcəyəm" - Rafael Ağayev

“Ən böyük arzum Olimpiya çempionu olmaqdır” - Rafael Ağayev

Rafael Ağayev qanlar içində finala yüksəldi - FOTO