Voleybolçu qadınlardan ibarət Azərbaycan milli komandası 2020-ci il Tokio Yay Olimpiya Oyunlarına lisenziya xarakterli Təsnifat Turnirini təşkil edəcək Braziliyaya yollanıb. 

Sportfm.az xəbər verir ki, yığma üzvləri San-Paulu şəhərində 6 gün təlim-məşq toplanışı keçirəcək. Hazırlıq planına uyğun olaraq, milli yerli Braziliya klublarından biri ilə bir neçə yoldaşlıq oyununda qüvvəsini sınayacaq. 30 iyulda isə komanda turnirin keçiriləcəyi Uberlandiya şəhərinə yola düşəcək.

D qrupunda yer alan Covanni Kapraranın baş məşqçi olduğu komanda ilk qarşılaşmasında Dominikan Respublikası ilə üz-üzə gələcək. Bu matç avqustun 1-də olacaq. Ertəsi gün rəqib ev sahibi Braziliya, iyulun 3-də isə Kamerun yığması olacaq. 

Olimpiadaya lisenziya qazanmaq üçün qrup qalibi olmaq lazımdır. 

Qeyd edək ki, Azərbaycan millisi hazırlıq prosesinə iyunun 24-də başlayıb. Daha sonra komanda üzvləri 11 - 15 iyulda Bolqarıstanda, 15 - 19 iyulda Rusiyada, 19 - 24 iyulda Türkiyədə təlim-məşq toplanışı keçirib. Yığma hazırlıqlar zamanı Bolqarıstan, Rusiya və Türkiyə milliləri ilə yoldaşlıq oyunlarında da qüvvəsini sınayıb.

D qrupu

1 avqust
21:15. Braziliya – Kamerun
23:45. Dominikan Respublikası – Azərbaycan

2avqust
21:15. Braziliya – Azərbaycan
23:45. Kamerun – Dominikan Respublikası

3avqust
17:00. Braziliya – Dominikan Respublikası
19:30. Azərbaycan – Kamerun

Oxşar xəbərlər

Yığmamız Kameruna qalib gəldi

Millimiz Braziliyadakı son yoxlama oyununda uduzdu

Millimiz olimpiada üçün Rusiyada hazırlığa başladı

Millimizin heyəti açıqlandı - SİYAHI

Millimizin oyunlarının vaxtı dəqiqləşdi