Azərbaycan cüdoçusu Hüseyn Məmmədov Qazaxıstanın Almatı şəhərində yeniyetmələr arasında keçirilən dünya çempionatında medal qazana bilməyib. 

Sportfm.az xəbər verir ki, 90 kq-dan yuxarı çəkidə yer alan 17 yaşlı idmançı bürünc medal uğrunda görüşdə yaponiyalı Mitsuki Suqavaraya uduzub. Suquvara 28 saniyəyə ipponla qalib gəlib. 

Beləliklə, Azərbaycan cüdoçuları fərdi mübarizəni 1 gümüş, 1 bürünc medalla başa vurublar. Həmin medallara müvafiq olaraq, Kamran Süleymanov (60 kq) və Vüqar Talıbov (73 kq) sahib çıxıb.

Qeyd edək ki, sentyabrın 29-da Azərbaycan cüdo yığması komandalararası dünya çempionatına qatılacaq. 1/8 final mərhələsində rəqib Çin Taypeyi olacaq. Qalib komanda 1/4 finalda Avstraliya ilə qarşılaşacaq.  

Oxşar xəbərlər

İki cüdoçumuzdan böyük uğur

İlk gündə 3 medal - Böyük Dəbilqə

Cüdo yığmamız tarixində ilk dəfə dünya çempionatının finalına yüksəldi

Cüdoçumuz bürünc medal uğrunda yarışacaq

Turan Bayramov bürünc medal görüşünə çıxacaq