Son illərdə futbolçuların böyük ölçüdə axın etdiyi Çində legionerlərin qazancına limit tətbiq olunmağa başlayıb.

Sportfm.az xəbər verir ki, bu barədə Çin Futbol Federasiyası məlumat yayıb.

Belə ki, bundan sonra Çində əcnəbi futbolçuların illik qazancı 3 milyon avrodan çox olmamalıdı. Bu, vergilər çıxılandan sonra nəzərdə tutulan məbləğdi.

Federasiya yerli futbolçular üçün də limit tətbiq edib. Çinin öz futbolçularının illik qazancı isə 10 milyon yuandan (təxminən 1,29 milyon avro) çox olmayacaq.

Yeni qaydalar 2019-cu ilin 20 noyabr tarixindən sonra bağlanan müqavilələrə aiddi. Ondan əvvəl imzalanmış müqavilələrə isə əvvəlki qaydada əməl olunacaq. Bu, yerli oyunçulara aiddi.

Əcnəbi futbolçularda isə 2020-ci ilin 1 yanvar tarixindən sonrakı müqavilələr yeni qaydalarla tərtib olunacaq. Bu, indiyəqədərki müqavilələrə aid olunmayacaq.

Oxşar xəbərlər

UEFA klublar üçün 240 milyon ayırdı - Avro-2024

Əcnəbi futbolçuların maaşlarına limit qoyuldu

FİFA-dan tarixi qərar - Virusa görə müddət uzadıldı

Futbolçularımız "BAL-dan dada bilməyəcək" - AĞIR QƏRAR

Qurban Qurbanovun millidə illik qazancı nə qədərdir? - məşqçi nə qədər əlavə gəlir əldə edəcək?