Futbol üzrə Azərbaycan millisinin üzvü Emin Mahmudovun "Boavişta"da işləri heç də yolunda getmir. Futbol11.az xəbər verir ki, əsas heyətə düşməkdə çətinlik çəkən yarımmüdafiəçi qışda Portuqaliya klubundan ayrıla bilər.  Bundan sonra isə o, təklifləri götür-qoy edəcək. Əldə etdiyimiz məlumata görə, Mahmudova cəlbedici təklif olmasa, Azərbaycana üz tutacaq. Belə ki, qışda heyətini yeniləmək istəyən "Neftçi" Eminin xidmətində maraqlıdı. Yəni, "ağ-qaralar" Mahmudovun sonuncu seçimi olacaq.  

Qeyd edək ki, Mahmudov yayda Rusiyanın "Krılya Sovetov" klubundan Portu təmsilçisinə transfer olunsa da, komandanın heyətində debüt edə bilməyib.