Mövsümün ikinci yarısının hazırlıqlarını Türkiyədə davam etdirən “Qəbələ” bu gün növbəti yoxlama matçında qüvvəsini sınayacaq.

Sportfm.az xəbər verir ki, “qırmızı-qaralar” Antalya toplanışında sonuncu yoxlama oyununda Rumıniyanın “Konkordiya” klubu ilə üz-üzə gələcək. Görüş “Arkadia” meydançalarında baş tutacaq. Matç Bakı vaxtı ilə 18:30-da başlayacaq.

Knyajnanı təmsil edən “Konkordiya” 1957-ci ildə yaradılıb. 63 illik tarixə malik klubun ən böyük uğuru Liqa kubokunun finalına yüksəldiyi 2015-2016-cı illər mövsümünə təsadüf edib. Ötən mövsüm Liqa1-də 14-cü yeri tutan komanda aşağı dəstəyə yuvarlanıb. Cari çempionatın 19 turunda 21 xal toplayan Knyajna təmsilçisi qış fasiləsinə 20 komanda arasında 16-cı yerdə yollanıb. 

Bunadək üç yoxlama oyunu keçirən “Qəbələ” Macarıstanın MTK (0:3), Rusiyanın “Çayka” (3:0) və Bolqarıstanın “Etar” (0:0) klubları ilə üz-üzə gəlib. 

18:30. “Qəbələ” – “Konkordiya”.

Oxşar xəbərlər

Asif və Amin rumınlara sevinməyə imkan vermədi

"Qəbələ"nin görüşü qolsuz başa çatdı

"Qəbələ" 3-cü sınağında

"Qəbələ"nin rəqibi dəyişdi

"Qəbələ"nin sonuncu oyununun vaxtı açıqlandı