Hücum xəttində problemlər yaşayan "Trabzonspor" qış fasiləsi zamanı bu mövqeyi gücləndirməyi planlaşdırır. Sportfm.az xarici mətbuata istinadən xəbəbr verir ki, hücumçuların çıxışından narazı qalan Super Liqa klubu ön xəttə yeni transfer edəcək. Qara Dəniz təmsilçisi "Everton"un forvardı Umar Niasseni heyətinə cəlb etmək istəyir. Baş məşqçi Ərsun Yanalın israrla istədiyi seneqallı forvard üçün İngiltərə klubuyla danışıqlara start verib.

 "Trabzonspor"dan başqa Rusiyanın "Spartak" klubu da Niasseni transfer etmək istəyir. Moskva təmsilçisi 26 yaşlı forvard üçün "Everton"a 4 milyon avro təklif edib. Lakin futbolçu özü Türkiyədə oynamaq istəyindədi.