Uzun müddətdir klubsuz qalan yığma komandamızın sabiq hücumçusu Vaqif Cavadov bundan sonra top oyununun sirlərini uşaqlara öyrədəcək. Bu haqda Sportfm.az saytına Cavadovun qohumu, hazırda "Sumqayıt"ın şərəfini qoruyan İlqar Qurbanov məlumat verib. "Azleader" futbol klubunda 4-14 yaş arası uşaqlar məşq edə biləcək. V.Cavadovun yeni təsis etdiyi klubun ofisi paytaxtda, Xətai prospekti 15-də yerləşir. Uşaqlar yayda məşqlərini "Sevgililər parkı"nda yerləşən süni örtüklü meydançada, qış aylarında isə Xətai prospektində yerləşən "Azfar" qapalı meydançalarında keçirəcək. 

Qeyd edək ki, vaxtilə Moskva ÇSKA-sının şərəfini qoruyan Vaqif "Keşlə"dən ayrıldıqdan sonra klubsuzdur. 

Oxşar xəbərlər

Vaqif Cavadov "Sumqayıt"ın məşqçisi təyin edildi

Vaqif Cavadov Qazaxıstan klubunu tərk etdi - Ayrılıq

Azərbaycanın veteran futbolçusu vəfat etdi - Koronavirusdan

Vaqif Cavadov borca görə evini satdı

Vaqif Cavadov Bakıda qaldı!