"Şapokoense” klubunun futbolçularının uğradığı təyyarə qəzasında dünyasını dəyişən Filipe Maçado son mənzilə yola salınıb. 

Sportfm.az  xəbər verir ki, Bakı "İnter”inin sabiq müdafiəçisinin cənazəsi dəfn mərasimindən öncə "Qremio Arena”ya aparılıb.

Stadiona toplaşan yüzlərlə insan Maçado ilə vidalaşıblar. Mərasimə Filipenin dostları xüsusi forma ilə gəliblər. Belə ki, onlar Maçadonun doğum tarixini (1984-cü il) əks etdirən 84 nömrəli formanı geyiniblər.

Qeyd edək ki, Filipe Maçado 2010-2011 mövsümündə "İnter”in formasını geyinib.