Koronavirus pandemiyası ilə əlaqədar dayandırılmış şahmat üzrə İddiaçılar Turniri oktyabrın 28-də Rusiyanın Yekaterinburq şəhərində bərpa olunacaq.

Sportfm.az xəbər verir ki, bu barədə Sverdlovsk vilayətinin Şahmat Federasiyasının prezidenti Andrey Simanovski TASS-a açıqlama verib.

Beynəlxalq Şahmat Federasiyasının prezidenti Arkadi Dvorkoviçlə daimi əlaqədə olduğunu deyən Simanovski ona turnirin noyabrın 11-dək davam edəcəyi barədə məktubun gəldiyini diqqətə çatdırıb. O, yarışın şahmatçılar üçün epidemioloji situasiyanın sabitliyi şərti ilə keçiriləcəyini vurğulayıb.

Qeyd edək ki, İddiaçılar Turniri martın 26-da yarımçıq dayandırılıb. Buna Rusiya Federasiyası hökumətinin digər ölkələrlə hava əlaqəsini kəsməsi səbəb olub. 

Oxşar xəbərlər

İddiaçılar turnirinin bərpa vaxtı dəqiqləşdi

İddiaçılar turniri yarımçıq dayandırıldı

İddiaçılar turniri başa çatacaqmı? - Qrişuk inanmır

İddiaçılar Turniri azarkeşsiz keçiriləcək

İddiaçılar Turnirinin keçiriləcəyi şəhər müəyyənləşdi