Azərbaycanın və "Qəbələ" İdman Klubunun MMA döyüşçüsü Nəriman Abbasov "Fight Night Global" təşkilatının çempionu titulunu qoruyub.

Sportfm.az xəbər verir ki, idmançımız buna Rusiyanın paytaxtı Moskvada keçirilən döyüşdə nail olub.

"Fight Night Global98" çərçivəsində döyüşə çıxan Abbasov rusiyalı rəqibi Mixail Qoqitidze ilə üz-üzə gəlib. 26 yaşlı döyüşçümüz 5 raundluq qarşılaşmanı vaxtından əvvəl bitirib. O, ikinci raundda boğucu fəndlə qalib gələrək yüngül çəki dərəcəsində çempion kəmərini qoruyub.

Qarşılaşmaya mərhum qardaşının fotosunu əks etdirən köynəklə çıxan Nəriman Abbasov qələbəni də Arzuman Abbasova həsr edib. Görüşdə bir dəqiqəlik sükut elan olunub və bu zaman Nəriman göz yaşlarını saxlaya bilməyib.

Qeyd edək ki, Nəriman Abbasovun qardaşı 17 yaşlı Arzuman Abbasov bu ilin fevralında Ramana qəsəbəsindəki evində dəm qazından zəhərlənərək dünyasını dəyişib. O da qardaşı kimi MMA döyüş növü ilə məşğul olub.

Oxşar xəbərlər

Abbasov Avropa çempionunu nokautla uddu - VİDEO

Azərbaycan döyüşçüsü çempion kəmərini qorudu - 25-ci qələbə

Bakıda MMA döyüşçüsü faciəvi şəkildə vəfat etdi - FOTO

MMA döyüşçümüz növbəti qələbəsini qazandı

Azərbaycanlı döyüşçü "Fight Night"la anlaşma imzaladı - FOTO