Portuqaliya və "Real” Madridin futbolçusu Kriştiano Ronaldo gələcək karyerası barədə danışıb. 

Sportfm.az xəbər verir ki, son zamanlar Çin klublarının futbolçulara ödədiyi astronomik məbləğlər portuqaliyalını narahat etmir. 

"Mənim əsas hədəfim uzun müddət yüksək səviyyədə çıxış etməkdir. Bir neçə il bunun belə olacağına inanıram. "Real”la və Nike şirkəti ilə müqavilələrim var. Pul mənim üçün önəmli deyil, buna əmin ola bilərsiniz. Karyeramı bitirdikdən sonra yaxşı yaşamaq üçün yetərincə pulum var. İspaniyada oynamaq ürəyimcədir”.

Qeyd edək ki, bu yaxınlarda Çinin "Şanxay Telleys” klubu Ronaldoya 300 milyon avroluq müqavilə təklif edib.