Aprelin 19-dan 25-dək Polşanın paytaxtı Varşavada keçiriləcək Avropa çempionatında iştirak edəcək sərbəst güləşçilərimiz müəyyənləşib.

Sportfm.az xəbər verir ki, böyük məşqçi Zəlimxan Hüseynov və məşqçi Arif Abdullayevin rəhbərliyi altında qitə birinciliyində Əfqan Xaşalov (57 kq), Əhmədnəbi Qvarzatilov (61 kq), Əli Rəhimzadə (65 kq), Turan Bayramov (70 kq), Əşrəf Aşırov (74 kq), Rəşad Yusifli (79 kq), Hacımurad Məhəmmədsəidov (86 kq), Osman Nurməhəmmədov (92 kq) və Şamil Zubairov (97 kq) mübarizə aparacaqlar.

Aprelin 18-də sərbəst güləşdə bütün çəkilər üzrə püşkatma mərasimi keçiriləcək və güləşçilərimizin rəqibləri müəyyənləşəcək. Növbəti gün 57, 65, 70, 79 və 97 kiloqram çəki dərəcəsində mübarizəyə start veriləcək. Digər çəki dərəcələrində çıxış edən sərbəst güləşçilər isə ayın 20-də xalça üzərinə çıxacaq. Güləşin bu növündə mübarizəyə aprelin 21-də yekun vurulacaq.

Oxşar xəbərlər

Güləş yığmamızın heyəti açıqlandı - Dünya çempionatı

Milli komandamızın heyəti məlumdur - Avropa çempionatı

Yığmamız Avropa dördüncüsü oldu - Bir gümüş və üç bürünc medalla

Dörd güləşçimiz mübarizəyə başlayır - Avropa çempionatı

Güləşçimiz erməniyə rəqib oldu - Avropa çempionatı