Dünyanın elit şahmatçılarının mübarizə apardıqları “Grand Chess Tour” şahmat seriyasının birinci mərhələsi start götürüb.

Sportfm.az xəbər verir ki, Rumıniyada keçirilən turnirdə Azərbaycanı Şəhriyar Məmmədyarov və Teymur Rəcəbov təmsil edirlər.

9 turdan ibarət olan turnirin birinci turunda şahmatçılarımızın hər ikisinin ABŞ təmsilçiləri - Məmmədyarovun Uesli So, Rəcəbovun Fabiano Karuana ilə qarşılaşmaları heç-heçə ilə başa çatıb.

Turun digər oyunları - rusiyalı Aleksandr Qrişuk fransalı Maksim Vaşye-Laqrav, yerli idmançılar Boqdan-Daniel Dyak niderlandlı Aniş Giri, Konstantin Lupulesku ermənistanlı Levon Aronyan qarşılaşmaları da heç-heçə ilə başa çatıb.

Seriya ümumilikdə beş mərhələdən və böyük finaldan ibarət olacaq.

Oxşar xəbərlər

Şəhriyar Teymura qarşı - Grand Chess Tour

Şahmatçılarımız altıncı mərhələdə iştirak edəcək - Çempionlar Turu

Şəhriyar Məmmədyarov heç-heçə etdi

Şəhriyar Məmmədyarovun növbəti rəqibi Fabiano Karuana olacaq

“Grand Chess Tour 2019”: Məmmədyarov Maqnus Karlsen ilə qarşılaşır