"Qarabağ" Türkiyənin Antalya bölgəsindəki təlim-məşq toplanışında sonuncu yoxlama oyununu keçirib.

Sportfm.az xəbər verir ki, Ağdam təmsilçisi Polşanın "Visla" (Krakov) komandası ilə qarşılaşıb. Görüşdə qapılara qol vurulmayıb. 53-cü dəqiqədə "köhlən atlar"ın qapıçısı Emil Balayev rəqibin penalti zərbəsini dəf edib.

Qurban Qurbanovun baş məşqçi olduğu komanda günün ilk yarısında Çexiyanın "Bohemians" kollektivi ilə üz-üzə gəlməli olsa da, qarşılaşma qara görə ləğv olunub.

Qeyd edək ki, "Qarabağ" Antalyadakı ilk matçında Rumıniyanın "Qaz Metan" klubu ilə qolsuz heç-heçə edib. Ağdam təmsilçisi ikinci sınağında Serbiyanın "Baçka Topola" klubuna 0:1, üçüncü görüşündə Polşa "Şlyonsk"una 2:3 hesabı ilə uduzub.

Oxşar xəbərlər

"Qarabağ" Bakıya qayıdır - Antalya toplanışını başa vurdu

Azərbaycan klubları Antalyada sonuncu oyunlarına çıxır - Yoxlama görüşü

"Qarabağ" Serbiya klubuna məğlub oldu - Yoxlama oyunu

"Qarabağ" və "Qəbələ"nin növbəti oyunları - Yoxlama görüşü

"Qarabağ"ın ilk oyununun başlama saatı bilindi - Yoxlama matçı