Formula 1 üzrə Azərbaycan qran-prisi ölkə ərazisində canlı yayımlanacaq.

Sportfm.az xəbər verir ki, Bakıdakı yarış “İdman” TV-də ekranlara gətiriləcək.

Belə ki, sözügedən kanal Formula 1-in 2022-ci il mövsümünün yayım hüququnu gec də olsa, əldə edə bilib. Baxmayaraq ki, cari mövsümün geridə qalan 7 qran-prisi ölkəmizdə yayımlanmayıb.

Xatırladaq ki, bir neçə gün öncə Prezident İlham Əliyev “Azərbaycan Televiziya və Radio Verilişləri” Qapalı Səhmdar Cəmiyyətinə 1 (bir) milyon manat ayırmışdı. Formula 1-in 2022-ci il mövsümünün yayım hüququnun da məhz bunun sayəsində alındığı ehtimal olunur.

Cari mövsümün Azərbaycan qran-prisi 10-12 iyunda gerçəkləşəcək. Mövsümün qalan qran-priləri də “İdman” TV vasitəsilə göstəriləcək.

Oxşar xəbərlər

Azərbaycan Qran-prisi mövsümün ən yaxşıları sırasında - SİYAHI

Çin Qran-prisi ardıcıl üçüncü dəfə ləğv olundu - Formula 1

Qran-pri yarışları təxirə salındı - Formula 1

"Formula-1" üzrə Azərbaycan Qran-prisinin başlama saatı dəyişdirildi

Azərbaycan Qran-prisi nə vaxt start götürəcək? - Təqvim təsdiq olundu