Azərbaycanın cüdoçuları Slovakiyanın Banska-Bistritsa şəhərində keçirilən Avropa Gənclər Olimpiya Festivalında (EYOF) üçüncü medalı qazanıb.

Sportfm.az xəbər verir ki, oğlanların 60 kq çəki dərəcəsində mübarizə aparan Nurlan Kərimli finalda niderlandlı Yohem Van Hartenlə qarşılaşıb. Rəqibinə "ippon"la uduzan idmançımız gümüş mükafatla kifayətlənib.

Beləliklə, cüdoçularımız ilk yarış gününü 3 medalla tamamlayıb. Daha əvvəl oğlanların 55 kq çəkisindəki Murad Əliyev və qızların 48 kq-sında yer alan Könül Əliyeva da gümüş medala sahib çıxıb.

Qeyd edək ki, EYOF-da cüdo yarışları iyulun 30-dək davam edəcək. İlk dörd gündə fərdi, son gündə isə komanda mübarizəsi baş tutacaq. Azərbaycan yarışda 12 cüdoçu ilə təmsil olunur.

Oxşar xəbərlər

Azər Əliyev mükafatlandırıldı

İdmançımız yarımfinalda - EYOF

Slovakiyaya 12 cüdoçu ilə... Yay Olimpiya Festivalı

İlk gündə 3 medal - Böyük Dəbilqə

Macarıstanda daha bir medal qazandıq