Noyabrın 15-də İspaniyanın Alikante şəhərində gənc boksçular arasında dünya çempionatı start götürəcək.

Sportfm.az xəbər verir ki, 12 gün davam edəcək yarışda Azərbaycan milli komandası da mübarizə aparacaq.

Oğlanlardan ibarət millinin baş məşqçisi Elbrus Rzayev, məşqçilər Vüqar Məmmədovla Elvin Məmişzadə Alikantedə Tural Sarıyev (48 kq), Amin Məmmədzadə (51 kq), Kamil Babayev (54 kq), Mətin Məmmədov (57 kq), Tacı Tağızadə (60 kq), Sənan Hətəmov (67 kq), Daniel Xolostenko (71 kq), Rza Rzazadə (75 kq), Fətəli İsmayılov (80 kq), Rəşid Məmmədov (86 kq) və Səbuhi Əlizadəyə (+92 kq) şans verəcək.

Qızlardan ibarət yığmanın məşqçisi İlkin Ağayev isə mundialda Mehparə Məmmədova (48 kq) və Aysu Dərvişovanı (57 kq) sınayacaq.

Bu gün səfərə yollanan komandaya Azərbaycan Boks Federasiyasının İdarə Heyətinin üzvü Rövşən Hüseynov rəhbərlik edəcək. Boksçularımız noyabrın 28-də Vətənə dönəcək.

Dünya çempionatında İBA-nın dəvəti ilə azərbaycanlı hakim Anar Babanlı da ədalət təmsilçiləri sırasında yer alacaq.

Qeyd edək ki, mundialda 89 ölkədən 684 (476 oğlan, 208 qız) boksçunun iştirakı gözlənilir. Yarışın püşkü noyabrın 14-də atılacaq.

Oxşar xəbərlər

Azərbaycanlı boksçu qələbə qazandı - Dünya çempionatı

Boksçularımızın rəqibləri məlum oldu - Dünya çempionatı

Azərbaycan yığmalarının heyəti açıqlandı - Avropa birinciliyi

Azərbaycan yığmasının beynəlxalq turnir üçün heyəti - SİYAHI

Azərbaycan millisinin heyəti - SİYAHI Avropa çempionatı