“Mançester Siti” “Etihad” stadionunun təmiri üçün 300 milyon funt-sterlinq (342 milyon avro) xərcləyəcək.

Sportfm.az xəbər verir ki, arenanın yenidən qurulması 7,7 min yerlik artırılması planlaşdırılan şimal tribunasına təsir edəcək. Stadionun ümumi tutumu 61 000 yerlik olacaq.

Bundan əlavə, “Mançester Siti” arenaya bitişik ərazidə yeni otel, azarkeşlər üçün ictimai yer, klub mağazası və muzey tikməyi planlaşdırır. Ümumi investisiya 1 milyard funt-sterlinqə çata bilər.

Hazırda “Mançester Siti” rəhbərliyi tikintiyə icazə almaq üçün şəhər rəhbərliyi ilə danışıqlar aparır. Səlahiyyətlilər tərəfindən razılıq verilərsə, tikinti işlərinə noyabr ayında başlana bilər.

“Etihad” stadionu 2002-ci ildə açılıb. Arena 53,4 min tamaşaçı tutumuna malikdir. Bu, İngiltərə Premyer Liqasında dördüncü, Böyük Britaniyada isə səkkizinci ən böyük stadiondur.

Oxşar xəbərlər

“Mançester Siti”nin mükafat fondu – 2,3 milyon

Dünyanın ən varlı klubları - ilk üçlükdə 3 ingilis

Ən bahalı heyəti olan klublar - SİYAHI

2020-ci ilin ən bahalı transferləri - SİYAHI

10 ildə transferə ən çox pul xərcləyən klublar - SİYAHI