Azərbaycan Premyer Liqasında XXI turun daha iki oyunu bu gün baş tutacaq.

Sportfm.az xəbər verir ki, günün ilk matçı Sumqayıtda olacaq. Şəhərin eyniadlı komandası "Neftçi"ni qəbul edəcək.

Mehdi Hüseynzadə adına Sumqayıt şəhər stadionundakı qarşılaşma saat 15:00-da başlanacaq. Bu, arenada yenidənqurmadan sonra ilk matç olacaq. "Ağ-qaralar" 32 xalla ikinci, "gənclik şəhəri təmsilçisi" 31 xalla üçüncü sıradadır.

Günün ikinci oyununda "Zirə" "Qəbələ"nin qonağı olacaq. Görüş saat 17:30-da start götürəcək. "Qırmızı-qaralar" 14 xalla sonuncu-10-cu, paytaxt klubu 30 xalla 4-cüdür.

Azərbaycan Premyer Liqası
XXI tur
15:00. “Sumqayıt” – “Neftçi”
Hakimlər: Elçin Məsiyev, Elşad Abdullayev, Pərvin Talıbov, Vüqar Həsənli.
Hakim-inspektor: Barış Şimşək.
AFFA nümayəndəsi: Elçin Mehtiyev.
Mehdi Hüseynzadə adına Sumqayıt şəhər stadionu

17:30. “Qəbələ” – “Zirə”
Hakimlər: Rəşad Əhmədov, Şirmamed Mamedov, Asiman Əzizli, Nicat İsmayıllı.
Hakim-inspektor: Əmrah İbrahimov.
AFFA nümayəndəsi: Bəhram Qurbanov.
Qəbələ şəhər stadionu

Qeyd edək ki, tura fevralın 5-də "Kəpəz" - "Araz-Naxçıvan" qarşılaşması ilə yekun vurulacaq. Ötən gün "Qarabağ" "Səbail"i məğlub edib - 2:1. "Sabah" - "Turan Tovuz" matçında qalib müəyyənləşməyib - 1:1.

Oxşar xəbərlər

Azərbaycan Premyer Liqasında 34-cü tura yekun vurulur

“Kəpəz” “Sumqayıt”a, “Qarabağ” “Neftçi”yə qarşı - Misli Premyer Liqası

"Qarabağ" "Turan Tovuz"un, "Sabah" "Sumqayıt"ın qonağı olacaq - Misli Premyer Liqası

"Sumqayıt" "Turan Tovuz"u, "Neftçi" "Zirə"ni qəbul edəcək

Premyer Liqada XXI turun təyinatları