Azərbaycan taekvondo millisi İranda iki beynəlxalq yarışda iştirak edəcək.
Sportfm.az xəbər verir ki, yığma fevralın 12-15-i aralığında paytaxt Tehranda G1 kateqoriyalı “Fəcr Open”, ayın 16-19-da isə G2 kateqoriyalı Dünya Taekvondosunun Prezidentinin kubokunda mübarizə aparacaq.

Beynəlxalq turnirlərdə kişilərdən ibarət millinin böyük məşqçi Elnur Amanov, qadınlardan ibarət yığmanın böyük məşqçi Seulbi Li və məşqçi Zahid Məmmədovun rəhbərliyi altında Səyyad Dadaşov (58 kq), Rahid Vəliyev, Xıdır Məmmədov (hər ikisi 54 kq), Ruslan Seyidov, Malik Abbasov, Yusif Qurbanov, Adil Eyvazov (hamısı 58 kq), Riyad Şirəliyev, Pərviz İskəndərov (hər ikisi 63 kq), Yaşar Məmmədli, Vaqif Hacıyev, Xanlar Xanəhmədov, Vüqar Bağırov (hamısı 68 kq), Ələskər Əliyev, Nicat İsmayılzadə (hər ikisi 74 kq), Eltac Qafarov (80 kq), Taleh Süleymanov (87 kq), Səlimə Quliyeva (46 kq), Aylin Eynullayeva (49 kq), Nigar Abdullayeva (53 kq), Leyla Bəşirova, Nərgiz Kazımova (hər ikisi 57 kq), Meylin Məmmədzadə (62 kq) və Nərmin Ənsəri (67 kq) mükafatlar uğrunda yarışacaqlar.

Qeyd edək ki, Tehrana fevralın 10-da yollanan komanda ayın 20-də Bakıya qayıdacaq.

Oxşar xəbərlər

Azərbaycan millisinin heyəti bilindi - SİYAHI

Güləşçilərimiz "Zəfər kuboku"nda iştirak edəcəklər

Azərbaycan millisinin heyəti bilindi - SİYAHI

Millimizin Avropa çempionatı üçün heyəti açiqlandı - SİYAHI

Taekvondoçularımız üçün Türkiyə sınağı - 10th Turkish Open 2023