Azərbaycan milli komandasının üzvü Ozan Can Kökçü klubunu dəyişib.
Sportfm.az xəbər verir ki, 25 yaşlı yarımmüdafiəçi Niderland "Eyndhoven"indən ayrılıb və Finlandiya HİK-inə keçib.

Bu barədə HİK-in mətbuat xidməti məlumat yayıb. Kökçü ilə 2026-cı ilin sonunadək müqavilə imzalanıb.

Ozan Can bu səhər tibbi müayinədən keçib və daha sonra məşqlərdə iştirak edib. O, Finlandiya klubuna transferi haqqında fikirlərini də bölüşüb: "Əsas oyun mövqeyim hücumçuların arxasındakı hücumameyilli yarımmüdafiədir. Amma cinah yarımmüdafiəçisi kimi də oynamağa öyrəşmişəm. Mən aqressivəm və qələbə qazanmaq üçün istəkliyəm. Komandada münasibətlər yaxşı olanda və meydanda əlindən gələni edəndə çox vaxt uğur qazanırsan".

Qeyd edək ki, Kökçü 2022-ci ilin yayından "Eyndhoven"də oynayırdı.

Oxşar xəbərlər

Ozan Can Kökçü 10-cu qolunu vurdu - Birinci Divizion

Kökçü 90 dəqiqə oynadı

Ozan Can 8-ci qolunu vurdu

Ozan Canın komandası məğlub oldu - Birinci divizion

Ozan Can Kökçü klubunu dəyişdi