"Kapital Bank" ASC, "Paşa Həyat Sığorta" ASC-nin sponsorluğu, Təhsil Nazirliyi, Sumqayıt Şəhər Təhsil Şöbəsi, "Azərikimya" İB-nin dəstəyi və "Sumqayıt" Futbol Klubunun təşkilatçılığı ilə Sumqayıt məktəbliləri üçün "Yay Futbol Düşərgəsi" layihəsində 3-cü, sonuncu mərhələyə yekun vurulub.

 

Sportfm.az xəbər verir ki, bu mərhələdə 34 məktəbli iştirak edib. Ümumilikdə, 48 məktəbdən 100-dən artıq məktəblinin qatıldığı "Yay Futbol Düşərgəsi" layihəsi 2014-cü ildən "Kapital Bank" və "Paşa Həyat Sığorta"nın sponsorluğu ilə keçirilir və bu müddət ərzində 300-dən çox məktəbli bu seminarın iştirakçısı olub.

 

Qeyd edək ki, layihənin sonuncu mərhələsi 3 gün davam edib.