Gəncədə 39 yaşlı şəhər sakini Ramin Orucovu qətlə yetirməkdə şübhəli bilinən şəxs yaxalanıb.

Sportfm.az saytı lent.az-a istinadən bildirir ki, Kəpəz rayonu ərazisində yerləşən "Sərçə bazarı" adlanan yerdə R. Orucovu ağır zərbələrlə vuran şəxsin 1994-cü il təvəllüdlü Eldəniz Məmmədovun olması müəyyənləşib. Bu səbəbdən də o, saxlanılıb.

Eldəniz Məmmədov səmimi şəkildə törətdiyi əməli etiraf edib. O, bildirib ki, hadisəyə səbəb Ramin Orucovun onun atasını söyməsi olub. Buna qəzəblənən 23 yaşlı gənc Ramin Orucova yumruq-təpik zərbələri vurub.

 

Ağır bədən xəsarətləri alan R.Orucov hadisə yerindən bir qədər uzaqlaşıb və huşunu itirərək yerə yıxılıb. Onun meyiti səhər saatlarında yerli sakinlər tərəfindən tapılıb.

Faktla bağlı Cinayət Məcəlləsinin 126.3-cü (sağlamlığa ağır zərbə, ehtiyatsızlıqdan zərərçəkmiş şəxsin ölümünə səbəb olma) maddəsi ilə cinayət işi başlanılıb.

 

Qeyd edək ki, Eldəniz Məmmədov  Kikboks üzrə dəfələrlə Azərbaycan çempionu oub.