“Qarabağ” Azərbaycan çempionatlarında 1600-cü qolunu vurub.

Sportfm.az xəbər verir ki, bu, Misli Premyer Liqasının 30-cu turunun “Səbail”lə matçına təsadüf edib.

Səfərdə 4:1 hesablı qələbə qazanan qonaqların 2-ci topuna imza atan Leandro Andrade yubiley qolunun müəllifi kimi tarixə düşüb.

Ağdam klubu 1600-cü qolunu 955-ci matçında vurub. Ümumilikdə 1602 topdan 913-ü ev, 674-ü səfər, 15-i neytral meydana təsadüf edib.

“Qarabağ” Azərbaycan çempionatlarında 1600 qol vuran ilk komanda olub. Komandanın orta məhsuldarlığı 1,68-ə bərabərdir.

Komandanın tarixində ilk qola Mehman Alışanov imza atıb. O, 1992-ci il mayın 3-də “İnşaatçı” (Sabirabad) ilə ev oyununda (1:2) təkcə “Qarabağ” deyil, yarışın tarixində ilk topun müəllifi olub.

Oxşar xəbərlər

“Qarabağ”ın 900-cü ev qolu

Azərbaycan çempionatları tarixində 1400-cü qol

"Qarabağ"dan 600-cü səfər qolu

"Qarabağ"ın 1400-cü qolu

“İnter”in 650-ci qolunu kim vurdu?