21 yaşadək futbolçulardan ibarət Azərbaycan millisi bu gün yoxlama oyunu keçirib.
Sportfm.az xəbər verir ki, Belarusda təlim-məşq toplanışında olan Ayxan Abbasovun komandası bu ölkədən olan həmyaşıdları ilə üz-üzə gəlib.

Baranoviçi şəhər stadionunda oynanılan matç Belarusun 3:1 hesablı qələbəsi ilə yekunlaşıb. Yığmamızın yeganə qolunu 22-ci dəqiqədə Raul Məmmədov vurub.

Qeyd edək ki, U-21 iyunun 8-də isə Mehdi Hüseynzadə adına Sumqayıt şəhər stadionunda Monteneqro ilə yoldaşlıq görüşü keçirəcək.

Xatırladaq ki, U-21 millimiz Ayxan Abbasovun baş məşqçi təyinatından sonra son 2 matçda uduzmamışdı. Komanda mart ayındakı toplanış çərçivəsində Moldova yığmasına qalib gəlmiş (2:0), Şimali Makedoniyanın müvafiq yaş qrupu ilə bərabərə qalmışdı (0:0).

Belarus - Azərbaycan - 3:1

Qollar: Ruslan Myalkovskiy, 37, Kiril Çepenkov, 40, Andrey Demisyuk, 50 - Raul Məmmədov, 22

Oxşar xəbərlər

Yığmamız Belarusa qarşı - Yoxlama görüşü

Belarus - Azərbaycan oyununun yeri açıqlandı

Millimiz 2 yoxlama oyunu keçirəcək

Millimiz Belarusa qalib gəldi - U-16

Millimiz Belarusa uduzdu