Sentyabrın 9-da futbol üzrə Azərbaycan Premyer Liqasının IV turuna “İnter”-“Kəpəz” oyunu ilə start verilib.

Sportfm.az xəbər verir ki, “İnter Arena”da keçirilən oyunda hesabı meydan sahibləri açıblar. Belə ki, matçın 5-ci dəqiqəsində Fuad Bayramov fərqlənib. Görüşün 21-ci dəqiqəsində Adrian Skarlatake, 32-ci dəqiqəsində isə Aqşin Quluzadə “Kəpəz”in qapısına yol tapıblar. “Kəpəz”in futbolçuları Şəhriyar Əliyev 36-cı, Kərim Diniyev isə 37-ci dəqiqədə hesab arasındakı fərqi azaldıblar. Görüşün ilk hissəsi “İnter”in 3:2 hesablı üstünlüyü ilə yekunlaşıb.

İkinci hissədə komandaların cəhdlərinə baxmayaraq hesab dəyişməyib.

Beləliklə, “İnter” komandası 3:2 hesabı ilə qalib gəlib.

Turun digər oyunlarında isə bu gün “Qəbələ” komandası “Zirə”ni qəbul edəcək, sabah isə “Neftçi” klubu “Sumqayıt”ın qonağı olacaq. “Səbail”-“Qarabağ” oyunu isə Ağdam təmsilçisinin Çempionlar Liqasının qrup mərhələsindəki çıxışı ilə əlaqədar təxirə salınıb.

Oxşar xəbərlər

Hamı qol vurdu, "Qəbələ" uduzdu

“Sumqayıt” səfərdə “Kəpəz”i üç cavabsız qolla məğlub etdi

"Qarabağ" - "Sumqayıt" 2:0 - VİDEO

“Qəbələ” klubu səfərdə “Sumqayıt”ı minimal hesabla məğlub edib

Topaz Premyer Liqasının V turu rəqəmlərin gözü ilə - STATİSTİKA