Almaniyada ralli–kross üzrə dünya çempionatının növbəti mərhələsi keçirilib.

Sportfm.az xəbər verir ki, sayca 11-ci olan mərhələdə birinciliyi isveçli pilot Mattias Ekström bayram edib. “EKS” komandasının təmsilçisi 0.952 kilometr uzunluğa malik marşrutu 3 dəqiqə, 41.663 saniyəyə qət etməklə ən yaxın rəqiblərini - “Peugeot” kollektivinin üzvü Timmi Hanseni (3 dəqiqə, 44.292 saniyə) və komanda yoldaşı Toomas Heykkineni (3 dəqiqə, 45.380 saniyə) geridə qoyub.

Beləliklə, 11 mərhələdən sonra Yohan Kristoffersson 286 xalla ümumi sıralamada liderdir. Aktivində 234 xal olan P.Solberq ikinci, 233 xal toplayan M.Ekström isə üçüncüdür.

Komandaların yarışında ilk üçlükdə müvafiq olaraq “PSRX Volkswagen Sweden” (496 xal), “Team Peugeot-Hansen” (379 xal) və “EKS” (351 xal) kollektivləri qərarlaşıb.

Dünya çempionatı davam edir.

Oxşar xəbərlər

Fabio Kartararo bütün rəqiblərini qabaqladı

2018-ci ilin ilk ralli yarışının qalibi müəyyənləşdi

Dakar rallisinin 10-cu mərhələsinə yekun vuruldu

Ekström ralli-kross üzrə 11-ci mərhələnin qalibi olub

Ralli–kross üzrə dünya çempionatının mərhələ yarışının qalibi Kristoffersson oldu