"Formula 1” yarışlarının ulduz pilotlarından biri Censon Batton maraqlı açıqlaması ilə diqqətləri üzərinə cəlb edib. 

Sportfm.az xarici mətbuata istinadən xəbər verir ki, məşhur idmançı "Formula 1” yarışları barədə, qeyri-adi fikri ilə gündəmə gəlib:

"Mənim üçün ən vacib məqam gördüyüm işdən ləzzət almaqdır. Bacardığımın ən yaxşısını etməyə hazıram, təki həzz ala bilim. Hər yarışdan sonra mən mütləq mühəndislərlə görüşürəm, işlərinə diqqət yetirirəm. Hiss edirəm ki, onlara kömək etmək xoşuma gəlir və xeyrim dəyir. Mən mübarizə aparıram, yüksək qonorarlar əldə edirəm, uğurları tək qazana bilmərəm. Ümumiyyətlə məni həyəcanlandıra biləcək bütün sahələrlə maraqlanıram” – deyə Batton bildirib. 

Qeyd edək ki, Censon Batton F1-də "Maklaren” komandasının pilotudur.