Xəbər verdiyimiz kimi, "Keşlə" klubunun futbolçuları Mirhüseyn Seyidov və Nizami Hacıyev futboldan ömürlük olaraq uzaqlaşdırılıblar. AFFA İntizam Komitəsi onların oyun alqı-satqısında iştirak etdiyini əsas gətirərək belə addım atıb.

Sportfm.az xəbər verir ki, Mirhüseyn Seyidov isə qafqazinfo-ya açıqlamasında danışılmış oyunlardan uzaq olduğunu deyib: "Oyun satmaq hesabları çıxıb ortaya. Adımın belə şeylərdə hallanması ləkədir. Mənim belə şeylərdən başım çıxmır. Bir də son oyunda "Neftçi" ilə matçda zəif oynamağımız haqqında deyilənlər düzdür. Kontorlara pul qoyuluşu etmək tamamilə yad şeydir mənim üçün. Həmin matçdan sonra bir az şübhələr yaranmışdı. Qalan bütün deyilənlərin yalan olduğuna başımla cavabdehəm".

Seyidov ömürlük futbolla bağlı bütün fəaliyyətlərinə qadağa qoyulmasının çox ağır qərar olduğunu bildirib: "Bu gün o qərar verilibsə, nə deyim. Doğrudan, çox ağır qərardır. İndi hələlik gözləyirəm. Bir çıxış yolu axtaracam. Bəlkə ölkə xaricinə gedib orda oynayaram. Ya da başqa bir yol tapmalıyam. Yəqin ki, appellasiya şikayəti verəcəm. Əvvəl hansı məsələlərə görə qərar verildiyinə baxıb sonra şikayət haqqında düşünəcəm".

Oxşar xəbərlər

Mirhüseyn Seyidovla Nizami Hacıyevin cinayət işinə xitam verildi: AFFA hansı qərar verəcək?

AFFA Mirhüseyn Seyidovu bağışlayıb?

AFFA-nın cəzasından apellyasiya şikayəti verildi

Futboldan ömürlük uzaqlaşdırılan Mirhüseyn Seyidov istəyini dilə gətirdi - Rəhbərlikdən xahiş edirəm ki...

Həbs edilmiş oyunçular "Qarabağ"a oyun satıb? - RƏSMİ AÇIQLAMA