Azərbaycanda həvəskarlar arasında futbol üzrə 8x8 formatında fəaliyyət göstərən Bakı Futbol Liqası (BFL) xeyriyyə kampaniyaları keçirməkdə davam edir.

BFL-dən Sportfm.az saytına bildiriblər ki, Yeni il ərəfəsində liqa valideyn himayəsindən məhrum uşaqları unutmayıb. Bayram əhval-ruhiyyəli XII tura “SOS uşaq kəndləri”nin balacaları dəvət edilib. Uşaqlara əvvəlcə yemək süfrəsi açılıb, sonra həm həvəskar futbolçuların, həm də uşaqların unutmayacağı oyunlara start verilib. “Kristal R&R” – “AtaBank” oyununda komandalar Bakı Futbol Liqasının bu addımını alqışlayıblar. Futbolçular üzərində “Uşaqlar bizim gələcəyimizdir!” adlı yazılı plakat açaraq dəstəklərini nümayiş etdiriblər.

Sonra Bakı Futbol Liqası və “AtaBank” adından uşaqlara hədiyyələr təqdim olunub. Rəmzi olaraq mərkəzdən topa ilk toxunuşu BFL-in balaca qonaqlarından biri edib.

Oyunla bağlı fikirlərini bölüşən “SOS uşaq kəndləri”nin ailə əsaslı qayğı üzrə əlaqələndiricisi Seyfəddin Ağaməmmədov belə layihələrin əhəmiyyətini yüksək qiymətləndirib.

Qeyd edək ki, XII turun yekununda liqanın şəriksiz lideri 30 xalla “İdman Azərbaycan” komandasıdır. Onu “Beerbaşa” və “Bakı FK” komandaları izləyir. Liqanın növbəti turu yanvarın 7-də start götürəcək.

Oxşar xəbərlər

Azərbaycan çempionatında fasilə başa çatdı

Bakıda Kütləvi Futbol Həftəsi festivalı keçirildi - FOTO

AFFA daun sindromlu uşaqları təbrik etdi - FOTOLAR

“Bakı Şəhər Halqası” kimsəsiz uşaqları sevindirdi

Bakı Futbol Liqası nə vaxt başlayacaq?