"Zirə" klubu Trinidad və Taboqo millisinin futbolçusu Comal Uliyamsla müqavilə bağlayacaq.

Sportfm.az xəbər verir ki, bu barədə klubun baş məşqçisi Ayxan Abbasov məlumat verib. O bildirib ki, 24 yaşlı cinah hücumçusu fevralın 6-da Bakıya gələrək tibbi müayinədən keçəcək. Problem çıxmayacağı təqdirdə, vingerlə həmin gün axşam və ya ertəsi sözləşmə imzalanacaq. Uilyamsın son klubu 2016-cı ildən çıxış etdiyi Meksika "Mursielaqos"u olub. 
Baş məşqçinin sözlərinə görə, yaxın günlərdə "Zirə"yə daha bir əcnəbi futbolçunun qoşulacağı gözlənilir.

Qeyd edək ki, Türkiyənin Antalya bölgəsindəki təlim-məşq toplanışını başa vuran "Zirə" bu gün Bakıya dönüb. Qəsəbə təmsilçisi fevralın 6-da məşqlərə start verəcək. Ayxan Abbasovun rəhbərlik etdiyi kollektiv fevralın 10-da Azərbaycan Premyer Liqasının XV turu çərçivəsində "Sumqayıt"ı qəbul edəcək.(report.az)

Oxşar xəbərlər

"Zirə"nin yeni transferi Bakıya gəldi - Müqavilə imzalayacaq

"Sumqayıt" Türkiyə toplanışını başa vurdu

"Keşlə" təlim-məşq toplanışı üçün xaricə gedəcək

“Zirə”nin hazırlıq planı bilindi

"Zirə"nin rəqibləri müəyyənləşdi