Daha bir azərbaycanlı futbolçu Çexiyanın “Slaviya” klubunun düşərgəsinə baxışa yollanıb.

Sportfm.az xəbər verir ki, söhbət “Qəbələ” Futbol Akademiyasının yetirməsi, U-17 millimizin yarımmüdafiəçisi Samir Qurbanovdan gedir. Sözügedən futbolçu hətta Praqa təmsilçisinin U-21 komandasının “Humpoleç”ə qarşı keçirdiyi yoxlama oyununda da qüvvəsini sınayıb. 

2001-ci il təvəllüdlü futbolçu “Slaviya”nın 6:0 hesabıyla qalib gəldiyi oyuna start heyətdə başlayıb. Lakin o, fasilədə əvəzlənib.

Qeyd edək ki, bu oyunda “Slaviya”nın azərbaycanlı futbolçusu Fərid Nəbiyev də iştirak edib. Ötən ildən Praqa klubunun şərəfini qoruyan futbolçumuz start heyətdə meydana çıxıb və sonadək mübarizə aparıb.

Onu da xatırladaq ki, “Slaviya” yanvar ayının əvvəlindən “Qəbələ” Futbol Akademiyasının daha iki üzvünü – Amin Seydiyevlə Rövlan Muradovu da sınaqdan keçirirdi. Hələlik, həm bu iki oyunçu, həm də Samir Qurbanovla bağlı yekun qərarın necə olacağı müəyyənləşməyib.(sport24.az)

Oxşar xəbərlər

Fərid Nəbiyev Çexiyada meydana çıxdı

Fərid Nəbiyev “Slaviya”dan getdi

Azərbaycanlı futbolçu Çexiya klubuna qələbə qazandırdı - FOTO

Çexiya klubu iki azərbaycanlı futbolçunu baxışa çağırdı - FOTO

"Slaviya" Praqa 19 yaşlı azərbaycanlı futbolçu ilə müqavilə bağladı