Çempionlar Liqasında 1/4 final mərhələsinə start verilib.

Sportfm.az xəbər verir ki, ilk oyun günündə hər iki qarşılaşma qonaqların qələbəsi ilə və 3 qolla yekunlaşıb.

İtaliyada üz-üzə gələn ötənilki finalçılar "Yuventus"la İspaniya "Real"ı arasındakı qarşılaşmada yenə böyük hesab qeydə alınıb. Amma bu dəfə "kral klubu" 4:1 yox, 3:0 hesabı ilə qalib gəlib. Qollardan 2-ni Kriştianu Ronaldu, digərini isə Marselo vurub. "Qoca Sinyora"dan isə Paulo Dibala iki dəfə sarı vərəqə alaraq, meydandan qovulub.

İspaniyanın digər təmsiçisi "Sevilya" isə evdə Almaniya "Bavariya"sına uduzub. Hesabı meydan sahibləri açsalar da, qonaqlar 2 dəfə fərqlənərək, qələbəyə nail olublar.

Bununla da aprelin 11-də keçiriləcək cavab görüşləri böyük ölçüdə formallığa çevrilib.

Qeyd edək ki, 1/4 final mərhələsinin daha 2 ilk oyunu bu gün keçiriləcək. İspaniyada "Barselona" İtaliya "Roma"sını, İngiltərədə isə "Liverpul" "Mançester Siti"ni sınağa çəkəcək.

Oxşar xəbərlər

"Mançester Siti" "Bavariya"ya, "Benfika" "İnter"ə qarşı - YENİLƏNİR

"Real" "Çelsi"ni məğlub etdi, "Bavariya" uduzdu - Çempionlar Liqası

"Barselona" "Napoli"yə qarşı, "Çelsi" ilə "Bavariya" üz-üzə - Çempionlar Liqası

ÇL: Sevilyada səssizlik, Xarkovda əzmkar qələbə

Çempionlar Liqası: Londonda iki qol, Almaniyada darmadağın