“Zirə”nin futbolçusu Adil Nağıyev Azərbaycan çempionatları tarixinə 2 və daha çox avtoqol müəllifi olan 23-cü oyunçu kimi düşüb. 

Sportfm.az xəbər verir ki, müdafiəçi Azərbaycan Premyer Liqasının 8-ci turunun “Keşlə” ilə görüşündə (0:1) öz qapısına qol vurub. 6-cı turun “Sumqayıt”la səfər matçında da (0:1) yeganə top məhz Adilin avtoqolu olmuşdu. 

Nağıyevə qədər Azərbaycan çempionatlarında 6 futbolçu üç, 16 oyunçu isə iki dəfə topu öz qapısına göndərmişdi. İkinci dəfə uğursuzluq yaşayan “Zirə”li avtoqollarının sayı 2-yə bərabər olan 17-ci futbolçudur.

Adil eyni mövsümdə iki dəfə “fərqlənib” ki, belə şanssızlıq yalnız 6 oyunçu yaşamışdı. Onlardan ikisi bir mövsümdə rekord sayda - 3 dəfə öz qapısına qol vurub. Natiq Qasımov (MOİK) 2005/06, Jairo Rodriges (“Neftçi”) 2016/17 mövsümündə bunu gerçəkləşdirib. Ruslan Abışov (“Neftçi”) 2011/12, Eltun Yaqublu (AZAL) 2014/15, Cəmil Hacıyev (“Sumqayıt”) 2015/16 mövsümündə iki avtoqol üzüntüsü yaşayıb.

Oxşar xəbərlər

Ağabala Ramazanov debüt oyununda fərqləndi

Azərbaycan çempionatları tarixinin antirekordu təkrarlandı

Mövsümün ilk avtoqolu qeydə alındı

Premyer Liqanın debütantından bir ilk

Azərbaycan çempionatlarında ikinci dəfə