"Bəlkə bu gün oyun olmasında bir az üstünlüyümüz oldu ki, futbolçularda yorğunluq bir az azalmışdı. Fərqli 2 hissə oldu. Hər kəsə şans verdik".

Sportfm.az xəbər verir ki, bu sözləri "Sumqayıt"ın baş məşqçisi Ayxan Abbasov deyib. Antalyada təlim-məşq toplanışında olan "gənclik şəhəri" təmsilçisi ilk yoxlama matçında Qazaxıstanın "Jetisu" klubu ilə 1:1 hesablı heç-heçə edib. Gənc mütəxəssis oyundan razı qaldığını deyib: 

"Ümumən razı qaldım. Xeyli qol imkanlarımız oldu, ancaq istifadə edə bilmədik. Səhvlərimiz də var. Çalışacağıq ki, Antalyada maksimum hazır olaq. Rəqibləri də elə seçmişik ki, çempionatın səviyyəsinə uyğundurlar və onlarla qarşılaşmalarda öz səhvlərimizi görə bilək. Bu gün nə tapşırıq qoyulmuşdu, futbolçular ümumən yerinə yetirməyə çalışdılar".