Bir vaxtlar Azərbaycanın ən məşhur məşqçilərindən olan Zakir Mahmudov çətin günlər yaşayır.
 Sumqayıt futbolunun adlı-sanlı yetirmələrindən olan təcrübəli mütəxəssis uzun müddətdi işsizdi.

"Şəmkir” çempionluqları sıralayarkən Zakir Mahmudov Ağasəlim Mircavadovun köməkçisi idi. "Karvan” UEFA kubokunda mərhələ adlayarkən də Mahmudov klubda köməkçi-məşqçi kimi çalışırdı.

O, işsizlikdən evini satmağa məcbur olub. Zakir bəyin çağırışına artıq hay verən tapılıb.

"Sumqayıt"ın prezidenti Riad Rəfiyev və vitse-prezident Vaqif Ömərov onunla görüşüb, şəxsi problemləriylə maraqlanıb.

Onun sözlərinə görə, tezliklə Zakir Mahmudova köməklik olunacaq: "Mən deyə bilmərəm ki, Mahmudov klubumuzda çalışacaq.

Mənə bu haqda heç nə deyilməyib. Ancaq onu bilirəm ki, hər hansı vasitəylə ona yardım göstəriləcək".