Vaxtilə “Şəmkir”, “Karvan”, “Xəzər Lənkəran” kimi klublarda çalışmış Zakir Mahmudovun işsiz qaldığını, güzəranının ağır olduğunu xəbər vermişdik. 

Sportfm.az xəbər verir ki, Mahmudovun çətin vəziyyətdə olması futbol ictimaiyyətini çox narahat edib. 

62 yaşlı mütəxəssisin durumuna biganə qalmayanlar arasında “Sumqayıt” rəhbərliyi də oldu. “Futbol+”də gedən yazıdan sonra Riad Rəfiyev klub əməkdaşlarına qısa vaxtda Zakir bəyi klubun ofisinə dəvət etməyi tapşırdı və onunla görüş təyin etdi. 

Rəfiyev artıq Mahmudovla görüşüb. Təxminən yarımsaat çəkən görüşdən sonra Mahmudovun iş problemi həllini tapıb. 

Uzun müddətdi futboldan uzaq düşən məşqçi bundan sonra “Sumqayıt” Futbol Akademiyasında seleksiyaçı-məşqçi kimi fəaliyyət göstərəcək. 

Bu haqda bilgini “kimyaçılar”ın mətbuat katibi Rəşad Məmmədov verib: “Klub prezidenti Zakir müəllimlə görüşdü. Onun problemləri haqda daha dolğun məlumat əldə etdikdən sonra klubda işlə təmin edəcəyini bildirdi. Mahmudov akademiyada seleksiyaçı-məşçqçi kimi çalışacaq. O gələn həftənin birinci günündən yeni vəzifəsinin icrasına başlayacaq”.(sportinfo.az)