Rusiyanın Vladiqafqaz şəhərində 22 yaşadək kişi və qadın boksçular arasında Avropa çempionatına start verilib.

Sportfm.az xəbər verir ki, çempionatın birinci günündə Azərbaycan millisinin iki üzvü rinqə çıxıb.

Altmış dörd kiloqram çəki dərəcəsində qüvvəsini sınayan Bəxtiyar Qazıbəyov xorvatiyalı Erik Piyetranj ilə üz-üzə gəlib. Gərgin keçən görüş həmyerlimizin 3:2 hesablı qələbəsi ilə yekunlaşıb. O, martın 10-da səkkizdəbir finalda ispaniyalı Adrian Kreusla gücünü sınayacaq.

Aliyə Vəlizadənin (60 kq) debütü uğurlu alınmayıb. Fransalı Fatya Benmessahel ilə qarşılaşan boksçumuz məğlubiyyətlə üzləşib.

Bu gün millimizin daha iki üzvü mübarizəyə qoşulacaq. Nicat Həsənov (69 kq) Saymonas Banis (Litva), Amin Kuşkov (75 kq) isə Proton de la Şappel Lakelo (Belçika) ilə görüşəcəklər.

Oxşar xəbərlər

Boksçumuz Avropa çempionatında bürünc medal qazandı - FOTO

Boksçumuz Avropa çempionatında mərhələ adladı

Vladiqafqazda azərbaycanlıdan böyük uğur

Boksçularımız Avropa birinciliyinin final mərhələsinə yüksəldi

Boksçumuz ermənini rinqə çıxmağa peşman etdi