Bu gün Belarusun paytaxtı Minskdə keçiriləcək 2-ci Avropa Oyunlarına start veriləcək.

Sportfm.az xəbər verir ki, 4 il əvvəl ilk dəfə Bakıda keçirilən yarışın açılış mərasimi Bakı vaxtı ilə saat 21:00-da olacaq. Buna qədər isə bəzi idman növlərində yarışlar başlayacaq.

İlk gündə üç idman növündə mübarizə start veriləcək - basekotbol, oxatma və boks. 
Təmsilçilərimizdən Ozay Qasımova qadınların klassik kamandan oxatma yarışında 1/32 finala vəsiqə uğrunda reytinq qarşılaşmasında mübarizə aparacaq.
Bakı vaxtı ilə saat 15:00-da boks yarışları başlayacaq. Kişi boksçular 56 kq, 69 kq, 75 kq, 91 kq və +91 kq çəki dərəcələrində ilk mərhələ döyüşlərinə çıxacaqlar.
Kişilərin bütün çəki dərəcələrində təmsil olunan Azərbaycanın üç boksçusu ilk gündə rinqə çıxacaq. Hər üç təmsilçimiz  bolqarıstanlı idmançı ilə qarşılaşacaq. 1/16 final döyüşlərində Tayfur Əliyev (56 kq) Boyan Asenovla, Rahil Məmmədli (91 kq) Radoslav Panteleyevlə, Məhəmməd Abdullayev (+91 kq) Petar Belberovla üz-üzə gələcək.
Lorenzo Sotomayor (69 kq) ilkin mərhələdən azaddır.  Kamran Şahsuvarlı (75 kq) isə 1/16 finalda  Giorgi Harabadze (Gürcüstan) - Miroslav Saviç (Serbiya) duelininin qalibi ilə qarşılaşacaq.

Oxşar xəbərlər

Boksçularımız Olimpiya təsnifat turnirində mübarizəyə başlayırlar

II Avropa Oyunlarında daha bir neçə idmançımız mübarizəyə başlayacaq

Boksçularımızın ilk rəqibləri müəyyənləşdi

Yığmamızın heyəti müəyyənləşdi

Boksçularımız Avropa Oyunlarına Özbəkistanda hazırlaşacaq