Çempionlar Liqasının L təsnifat mərhələsinin ilk oyunları çərçivəsində "Qarabağ"la heç-heçə edən (0:0) "Partizani"nin baş məşqçisi Franko Lerda fikirlərini bölüşüb.

Sportfm.az xəbər verir ki, italiyalı mütəxəssis komandasından razı qaldığını deyib:

- Fərdi şəkildə bizdən üstün olan komanda ilə qarşılaşmada futbolçuların olduqca yaxşı oynaması məni xoşbəxt etdi. Bir az bəxtimiz gətirsəydi, qalib gələ bilərdik. Oyundan həzz aldım.

- Nəticəni ədalətli sayırsınız?

- Onlar da real qol şansı yaratdı, biz də. Rəqib topla daha çox oynadı, amma ən yaxşı durum bizdə idi.

- Yeni oyunçulardan məmnunsuz?

- Bəli. Brayn Brounla Rron Broxa oyuna əla qoşuldu və bizə dəstək oldular. Tapşırıqları yaxşı yerinə yetirdilər.

- Bakıda mərhələ adlamağa ümid edirsiniz?

- Bu nəticəyə baxsaq, hər şey açıq qalır. Əlbəttə, Bakıda çox çətin olacaq. Əlimizdən gələni edəcəyik. Uğur qazanacağımıza ümid edirik.

- Komandanın hücumlara daha çox futbolçu ilə qoşulması lazım deyil?

- Əlbəttə, daha yaxşısını etmək üçün görəcək işlərimiz var. Bu gün topa yaxşı nəzarət edən rəqiblə üz-üzə idik. Bu da işimizi çətinləşdirirdi.(sportal)

Oxşar xəbərlər

"Futbolçular əllərindən gələni etməlidilər" - Canni De Byazi

"Qarşımızda yaxşı müdafiə xətti var idi" - Qurban Qurbanov

"Nəticə ədalətli oldu" - Tərlan Əhmədov

Roberto Bordin: "Nəticəni birlikdə görəcəyik"

"Məğlub olmaq niyyətimiz yoxdur"- Hannes Halldorsson