Azərbaycan millisinin və "Qarabağ"ın futbolçusu Mahir Emreli Türkiyənin "Beşiktaş" klubunun gündəmindədir.

Sportfm.az xəbər verir ki, türkiyəli jurnalist Haldun Domaç "Beşiktaş"ın baş məşqçisi Sergen Yalçının 23 yaşlı hücumçunu izlədiyini deyib.

Domaç "Beşiktaş"ın hücumçuya ehtiyacının olduğunu da vurğulayıb: "Beşiktaş" üçün önəmli mövqelərdən biri hücum xəttidir. Cenk Tosun komandaya qayıdacaqmı? Gəlməsə, onun yerinə kim alınacaq? Baş məşqçinin izlədiyi perspektivli və gələcək vəd edən futbolçu var. Azərbaycanın "Qarabağ" komandasında oynayan 23 yaşlı hücumçu - Mahir Emreli. Çox effektli və kreativ oyunçudur. 16 matçda 9 qol və 2 məhsuldar ötürmə ilə yadda qalıb. 2021-ci ildə müqaviləsi başa çatır".

Qeyd edək ki, Mahir Emreli 2015-ci ildən "Qarabağ"ın əsas komandasında çıxış edir.

Oxşar xəbərlər

Sərgən Yalçın yenidən "Beşiktaş"da - 1 illik müqavilə

Mahir Emreli "Qarabağ"dan getdi - Paylaşım etdi

Sergen Yalçın "Beşiktaş" rəhbərliyinə qarşı gəldi - Müqavilə

Mahir Emreli müqavilə imzalayacaq - 3 illik

Sergen Yalçın koronavirusa yoluxdu - Müalicəsinə başlanıldı