"Nant" (Fransa) Avropa Liqasının qrup mərhələsinin 5-ci turunda "Qarabağ"la ev oyununa itki ilə çıxacaq.

Sportfm.az xəbər verir ki, 30 yaşlı müdafiəçi Şarl Traore görüşdə iştirak edə bilməyəcək. Bu barədə komandanın baş məşqçisi Antuan Kombuare oyundan əvvəl təşkil olunan mətbuat konfransında bildirib. Komandadakı yeganə itkinin Traore olduğunu vurğulayan mütəxəssis futbolçunun hələ də bərpa mərhələsində olduğunu qeyd edib.

Digər zədəli futbolçu Fabio isə artıq sağalıb. 32 yaşlı müdafiəçi Ağdam təmsilçisi ilə matçda meydana çıxa bilər.

Qeyd edək ki, sabah keçiriləcək “Nant” – “Qarabağ” oyunu Bakı vaxtı ilə saat 23:00-da başlayacaq.

Oxşar xəbərlər

Fransız mütəəssis “Qarabağ”ı təriflədi

UEFA “Nant” - “Qarabağ” matçında təxribat olacağından çəkinir

Almeyda: "Oyuna tam köklənmişik"

“Qarabağ” sabah Fransaya yola düşür

Erməni futbolçu siyahıya daxil edilmədi