Fransanın paytaxtı Parisdə keçirilən “Böyük Dəbilqə” yarışının sonuncu günündə Azərbaycanın altı cüdoçusu mübarizə aparacaq.

Sportfm.az xəbər verir ki, 81 kq çəki dərəcəsində iki idmançı yarışacaq.

1/32 finalda Elcan Hacıyev dominikanlı Medikson Del Obre Kortorreal, Zelim Tçkayev isə polşalı Pavel Drzmalı (Polşa) sınağa çəkəcək. Hacıyev qələbə qazansa, növbəti mərhələdə Türkiyə təmsilçisi Vedat Albayrakla qarşılaşacaq.

90 kq-da yarışacaq Murad Fətiyevin 1/32 finalda rəqibi Aydar Arapov (Qazaxıstan) olacaq.

Zelim Kotsoyev (100 kq) mübarizəyə 1/16 finaldan başlayacaq. O, fransalı Sedrik Olivarla münasibətlərinə aydınlıq gətirəcək.

+100 kq çəkidə iki cüdoçu medal uğrunda mübarizə aparacaq. Camal Qamzatxanov 1/32 finalda Bubakar Mane (Qvineya-Bisau) ilə qarşılaşacaq. Bu raunddan azad olan Uşangi Kokaurinin 1/16 finaldakı rəqibi Mark Desçenes (Kanada) – Voytsex Kordyalik (Polşa) duelinin qalibi olacaq.

“Böyük Dəbilqə”nin ilk günündə Balabəy Ağayev (60 kq) “qızıl” qazanıb.

Oxşar xəbərlər

Daha üç cüdoçumuz mübarizəyə başlayır - Böyük Dəbilqə

“Böyük Dəbilqə başlayır: İlk gün

İki cüdoçusu finalda - Böyük Dəbilqə

Daha 5 cüdoçumuz mübarizəyə başlayır - Böyük Dəbilqə

İki cüdoçumuz "Böyük Dəbilqə"sinin finalında