“France Football” nəşri tərəfindən ilin ən yaxşı futbolçusuna verilən “Qızıl top” mükafatını 8-ci dəfə qazanan Argentina millisinin kapitanı Lionel Messi bu titulu həmyerlisi Dieqo Maradonaya həsr edib.
Sportfm.az xəbər verir ki, ABŞ-nin “İnter Mayami” klubunun futbolçusu Fransanın paytaxtı Parisdə təşkil edilən tədbirdə çıxışı zamanı sabiq baş məşqçisini xatırlayıb.

36 yaşlı hücumçu Maradonanı ən yaxşı adlandırıb: “Dieqonu xatırlamaq istəyirəm. Bu gün ad günüdür. Bu təbrik üçün onun kimi futbolu sevən bir çox insanın əhatəsində olmaqdan daha yaxşı yer yoxdur. Ad günün mübarək, Dieqo, bu mükafatı səninlə bölüşürəm. Sən ən yaxşısan”.

Qeyd edək ki, Dieqo Maradona 2020-ci ilin noyabrında, 60 yaşında vəfat edib.

Oxşar xəbərlər

Maradonanın “qızıl top”u satışa çıxarılır

Messi yenə "Qızıl top"u qazandı

"Qızıl top"un sahibi bu gün məlum olacaq

Messi Maradonaya çatdı - DÇ-2022

"Messi və Ronaldo dünyanın ən yaxşı futbolçularıdır" - Dieqo Maradona