Azərbaycan Premyer Liqası oyunlarda qeydə alınan qayda pozuntularının sayında dünyanın ilk “10-luğ”una düşüb.

Sportfm.az xəbər verir ki, çempionatın hər matçında orta hesabla 27,56 kobudluq olur.

Bu baxımdan Premyer Liqa araşdırma aparılan 71 çempionat arasında 10-cu yerdədir.

CİES, eyni zamanda vərəqələr və uzatma dəqiqələri ilə bağlı da araşdırma aparıb. Hesabat dövründə çempionatımızda 179 oyun keçirilib və orta hesabla hər görüşdə 4,47 sarı vərəqə verilib. Bu, dünyada 38-ci göstəricidir. Qırmızı vərəqələrin orta sayı isə 0,16-ya bərabərdir. Premyer Liqa bu baxımdan intizamlı olması ilə seçilir. Çünki cəmi 12 liqa Azərbaycan çempionatından daha intizamlıdır.

Bundan başqa, Azərbaycan çempionatının matçlarına orta hesabla 8 dəqiqə 11 saniyə vaxt artırılıb. Bu, ən çox vaxt artırılan 50-ci liqadır.

Oxşar xəbərlər

“Qarabağ” 900 klub arasında 39-cudur - SİYAHI

Orta hesabla ən azı 3 qol vuruldu - Misli Premyer Liqası

Premyer Liqamız dünyada 30-cudur - BİAM-i açıqladı

Avropada üçüncüyük - İntizamsızlığa görə

Azərbaycan Premyer Liqası qitənin ən zəifləri arasında