Azərbaycan millisinin baş məşqçisi Robert Prosineçkinin bu gün AFFA rəhbərliyi ilə görüşü gözlənilir.

Sportfm.az xəbər verir ki, baş məşqçi bu haqda Xorvatiya mətbuatına açıqlamasında deyib. O, Azərbaycan - Şimali İrlandiya oyunundan sonra (0:1) mətbuat konfransında yaşananlardan və Türkiyənin "Bursaspor” klubuna mümkün keçidiylə bağlı danışıb:

"Bursaspor” haqqında danışmaq istəmirəm. Mətbuat konfransında bu barədə sual verildi. Azərbaycanlı jurnalistlər məğlubiyyət haqqında danışmaq əvəzinə, daha çox "Bursaspor”dan sual verdilər. 5-6 dəfə bunu təkrarladılar. Çox qəzəbli idim”.

Xorvat mütəxəssis bu gün AFFA rəhbərliyi ilə görüşəcəyini deyib:

"Mənim AFFA ilə müqaviləm var. Dekabra qədər Azərbaycanda qalmalıyam. Amma rəhbərliklə görüşəcəm. Bundan sonra qərarımı verəcəm”(komanda.az).