Danimarka "Kopenhagen"in futbolçusu Peter Ankersen Çempionlar Liqasının "pley-off" mərhələsinin püşkatmasını dəyərləndirib. 

Sportfm.az xəbər verir ki, 27 yaşlı müdafiəçi üç il öncə Avstriya "Zalsburg"unun heyətində çıxış etdiyi vaxt da "Qarabağ"la üz-üzə gəldiklərini xatırladıb: "Həmin vaxt Çempionlar Liqasının III təsnifat mərhələsində iki oyunun nəticəsində qalib gəlmişdik. Səfərdə 1:2 hesabı ilə uduzsaq da, evdə 2:0 hesablı qələbə sayəsində "pley-off"a adlamışdıq. Lakin indi "Qarabağ"ın diqqətimizi yönəltməli olduğumuz bir neçə üstün tərəfi var. "Qarabağ" yaxşı komandadır. Əks halda bu mərhələyədək gəlib çıxa bilməzdilər. Amma istənilən halda hər iki oyunda qalib gəlmək gücündə olmalıyıq".

Qeyd edək ki, pley-off mərhələsinin ilk oyunları avqustun 15-də, cavab matçları isə 23-də keçiriləcək.