Baş verənlərdən xəbərim var. Amma bu barədə dəqiq söz deyə bilmərəm.

Sportfm.az xəbər verir ki, bu sözləri qol.az-a açıqlamasında "Keşlə"nin müdafiəçisi Adrian Skarlatake deyib. Danışılmış oyunda şübhəli bilinərək həbs olunan sabiq komanda yoldaşları - Nizami Hacıyev və Mirhüseyn Seyidovla bağlı səslənən ittihamlara münasibət bildirən rumıniyalı futbolçu oyun satmaqla bağlı ona təklif olmadığını söyləyib:

"Oyun satmağı kimsə mənə təklif etməyib. Bəlkə də digər futbolçulara bunu təklif ediblər. Amma mənə heç nə deyilməyib. Ola bilsin, məndən çəkindikləri üçün belə ediblər. Çünki mənim xarakterimi bilirlər. Həyatımda heç vaxt belə şeyə getmərəm".

Skarlatake son vaxtlar bəzi futbolçuların yalandan zədəli olduğunu bəhanə edərək, oyuna çıxmamaları haqda dolaşan söz-söhbətlərə də aydınlıq gətirib: "Bəli, həqiqətən, belə bir şey olub. Nə deyəcəyimi bilmirəm. Bəlkə də buna görə indi çempionatda bu vəziyyətdəyik. Bu cür problemlərimiz var imiş".

Oxşar xəbərlər

AFFA Mirhüseyn Seyidovu bağışlayıb?

"Çox ağır qərardır" - Seyidov appellasiya şikayəti verəcək

Həbs edilmiş oyunçular "Qarabağ"a oyun satıb? - RƏSMİ AÇIQLAMA

DİN, DTX və Baş Prokurorluğun futbolçulardan xəbəri yoxdur

"Futbolçuların həbsindən xəbərsizəm" - PFL prezidenti